(( قيمة رجال ))

زائر

قيمة رجال

بين القبايل شاع ذكره وصيته .. لجله غني ويملك الجاه والمال

قـالوا تهني صرت شمعـة لبيته .. وصاحوا علي يا بنت ما مثله ازوال

قلت العفو لو هو ذهب ما خذيته .. أنا الغلا في داخلي قيمة رجال

الـلي بـدون أفعـال لا ما بغـيـتـه .. المسألة في بعضها ثوب وعقال

المرجـلـة ماهـي بـجـاه دريتـــه .. ولا هي بتصنيف العزايم والأمثال

يبان عـشقـي لـلـثـري لا وطيته .. مثل المراجل صدقها وقت الأفعال

سيف يذود الهم رمـح رميـته .. يعشق صفات الذيب في كل الأحوال

فارس يحل المشكلة لا نخيته .. يصمت كبير القوم فيهم إلى قال

نشمي ولد نشمي لنسل فديته .. سمح عطوف يا هلي طيب الفال

شبل سديد الرأي يوم نصيته .. نطقه سعد منظوم وقراح ازلال

يابوي من مثلك ترى ما هقيته .. يابوي فعلك نايف كل الأجيال

ويابوي من قدي وأنا لك وفيته .. المهرة اللي جبتها بنت رجال

لو يعتلي راس النشامى رقيته .. ولو ينحني صبر أبرسي له جبال

لا واهني منهو تكدر ورجيته .. عز الله إن الجرح يبرى وينزال

ما كل من يعشق صفاتي عطيته .. وما كل من طب الميادين خيال

ولو يمدحونه للمل ما هويته .. لجل الغلا في داخلي قيمتة ارجال

***********

من اروع ماقراته للشاعرة ( اغراب

مودتي للجميع

دنوووووونه

(( قيمة رجال )) 358237

موضوع: رد: (( قيمة رجال )) 16.06.08 17:47

يابوي من مثلك ترى ما هقيته .. يابوي فعلك نايف كل الأجيال

ويابوي من قدي وأنا لك وفيته .. المهرة اللي جبتها بنت رجال

قصيدة رائعة ومن أروع ما قرأت

عسى الله يخلي لي أبوي ويطول بعمره على الطاعة
:

::

:
صح لساااااان الشاعرة

وسلمت يمناك دندوووووونه

من طولت الغيبات جاب الغنايم

سكون العواصف

زائر

ويابوي من قدي وأنا لك وفيته .. المهرة اللي جبتها بنت رجال

صح لسان من قالها وناقلها

تسلمييييين البيت هذا اعجبني بقوووووووهـ

تقبلي تحياتي

ــــــــــــــــــــــــــــــــــــــــــــــــــــــــــــــــــــ

زائر

المرجـلـة ماهـي بـجـاه دريتـــه .. ولا هي بتصنيف العزايم والأمثال

يبان عـشقـي لـلـثـري لا وطيته .. مثل المراجل صدقها وقت الأفعال

يسلموووووووو الدانه على هالنقل الرائع

زائر

روووووعه القصيده تسلميييييييين